LinkBack URL
عن روابط الاسترجع
اكثر من 30 دارمي اتمنى يعجبنكم
من كلبي كص لحمات لومسك الجوع
لو مالكيت اشياش شيش بل الاضلوع
ماهمني الكصاب العلاك اجلاي .......
همني الصديق الكال اوزن لي من هاي
عمدا امر بل الدار والنوح ازيدة.....و
اسمع صداها يكول راح التريدة
روحي بسرير الموت وتكول اريدك
ماتقبل بدكتور بس لامسة ايدك
متعجب انتة تكول دمعي سكا لوح
دمعي لواهدا اعليك للكاضم يروح
مو تنسة التعليق اترك تعليق وشكرا
حاير شحط للعين وامنعها منكم
صبح وعصر وغروب تسالني عنكم
لاتكطع اترجاك سمعني كلمة
والله الهوة بلياك مايسوة اشمة
بغيابك الحضات تنعد بالف عام
وعيوني من فركاك ماتقبل تنام
عيوني برسالة شوك للغالي ادزهة
ولوردت مني الروح لاتضن اعزهة
لاسنة ولاسنتين ولا عمري كلة
ابدن يماي العين حبك ماملة
كلما اكول انساك ارجع ادكرك
مو بالعظم ويطيب بالكلب كسرك
قلبي يتوهج نار من يسمع اسمك
تصب دمع هل عين كون انة يمك
كل فركة يهلة تصير انساهة وتهون
بس فركتج تيزاب يصب على العيون
ياعين لترفين بطلي رفيفج
وبحجة الدخان هملي على كيفج
كون الدمع ينشال وبعيوني اخليج
وكل ماحن واشتاك ابجي واحجيج
كلبي عدبتة بهواك نسة دمعة ومانساك
شاف لوعات بغيابك ترضة يوكف من وراك
تجبرني احبك حيل واشتاق اشوفك
لو عفت كل الناس مايوم اعوفك
صح اني انام الليل ومغمض اعيون
بس الكلب والروح بيكم يفكرون
اتمنى انكلب شخاط جوة الحصيرة
واحرك اكلوب الناس الماعدهة غيرة
اتمنى انكلب فراش ومدرستكم
وبحجت امسح جام اسمع درسكم
اتمنى انكلب عصفور واسكن صطحكم
كلما اصيحن ويص ويص معناها احبكم
اتمنى كبري ايصير بل مدحتية
ويلتمن الحلوات يبجن علية
اتمنى الحبيب ايصير بل حمزة دنكة
وبحجة انة ازور كل طوفة شبكة
راح احتمل فركاك بس عندي شرطين
لو تمشي ويه الروح لو تاخد العين
كهوة و الف فنجان للخوة صبيت
نكرو داك الطيب بس انت وافيت
بالكلب ثلث اسهام حيل اوجعتني
وبيهن سهم فركاك هو الكتلني
لعيونك الحلوات بس اكتب اشعار
حتى الكمر بليل من عندك ايغار
عاشرت كل الناس ماكو بحلاتك
طبع الحنين البيك اجمل صفاتك
الكلب من فركاك بطل عشك دوم
لانبض لادكات كاضيهة بس نوم
اعمة واضل محتار لوما اشوفك
انعل ابو الينساك لابو اليعوفك
لاتضن يوم انساك يااحلى مخلوق
والينسة هيج انسان ماعندة اي دوق
_________
رد مع اقتباس
